ШАГАЙН ХАРВАА: ДОРНОГОВЬ АЙМГИЙН БАГ МОНГОЛ УЛСЫН АВАРГАД ДЭД БАЙР ЭЗЭЛЛЭЭ

Эрийн гурван наадмын 4 дэх төрөл, Юнескогийн Дэлхийн биет бус соёлын өвд бүртгэгдсэн үндэсний шагайн харвааны 27 дахь удаагийн Монгол улсын аварга шалгаруулах тэмцээн өнгөрөгч өдрүүдэд Улаанбаатар хотод зохион байгуулагдлаа. Улсын цол, зэрэг олгодог 2 томоохон тэмцээний нэг энэ жилийн тэмцээнд 19 аймаг,  3 дүүрэг, сумдын 84 багийн 700 гаруй харваач цэц мэргэнээ сорилоо. Үүнээс тэргүүн байрт МУ-ын Үлэмж дархан мэргэн Т.Гантулга ахлагчтай Сэлэнгэ аймгийн баг шалгарсан юм..

Ш.ОТГОНБАЯР АХЛАГЧТАЙ БАГ 8 ДАРААЛСАН ТҮРҮҮГЭЭ ХҮРТЛЭЭ

 Дорноговь аймгийн Засаг даргын тамгын газар, Биеийн тамир, спортын газар аймгийн Шагайн харвааны салбар холбоотой хамтран 2017 оны Дорноговь аймгийн аварга шалгаруулах үндэсний шагайн харвааны тэмцээнийг Сайншанд хотод зохион байгууллаа. Монгол улсын аварга шалгаруулах тэмцээний эрх олгох, сонгон шалгаруулалтын тэмцээнд аймгийн төв болон сумдын 20 багийн 160 харваач цэц мэргэнээ сорин өрсөлдлөө. Үүнээс тэргүүн байрт МУ-ын Үлэмж дархан мэргэн Ш.Отгонбаяр ахлагчтай “Болд Төмөр Ерөө гол”-ын баг шалгарч 2017 оны 8 дараалсан түрүүгээ хүртлээ.

ДОРНОГОВЬ БАГА ОЛИМП-2017: САЙНШАНД СУМЫН БАГ АВАРГААР ТОДОРЛОО

Дорноговь аймгийн Засаг даргын “Хөгжлийн төлөө хамтдаа” мөрийн хөтөлбөрт тусгагдсан нэр хүнд, цар хүрээ өргөнтэй спортын томоохон үйл ажиллагаа болох Дорноговь бага олимпийн наадам өнгөрөгч өдрүүдэд Сайншанд хотноо зохион байгуулагдлаа. Спортын 9 төрлөөр 12 сум, 7 багийн 800 гаруй тамирчин бүтэн 4 өдрийн турш өрсөлдөж шилдгүүдээ тодруулсан юм. Үүнээс бага олимпийн наадмын нийлбэр дүнгээр С.Одбаяр даргатай, О.Ганбат ахлагчтай Сайншанд сумын баг тэргүүн байрт шалгарч цом, өргөмжлөл, мөнгөн шагналыг хүртлээ.